طريقه عمل كيكه التمر بشكل جديد و طعم لذيذ من مطبخ الوصفة

طريقه عمل كيكه التمر بشكل جديد و طعم لذيذ من مطبخ الوصفة

المقادير :

 
2 كوب تمر منزوع النوى
2 كوب ماء ساخن
كوب ذبدة
2 بيضه
3 كوب دقيق
1 كوب سكر ناعم ابيض
1 كوب سكر بنى
1 معلقه كبيرة فانيليا
2\1 معلقه صغيرة بيكربونات صودا
رشه ملح صغيرة
1 كوب مكسرات مفروم خشن ( حسب الرغبه )
1 معلقه كبيرة قرفه
2 معلقه كبيرة بيكنج بودر

الطريقه :

 
ينقع التمر فى الماء الساخن ونسيبه على جنب لحد ما يبرد خالص وعبال ما يبرد ننخل الدقيق والبيكنج بودر ورشه الملح فى بولا نسيبها على جنب ونسيح الزبدة ونسيبها على جنب بعد كده نحط فى بولا فاضيه الزبدة والسكر والبيض والفانليا والقرفه ونخلطهم كويس اوى وبعدين نضيف الدقيق واحدة واحدة مع الخلط ثم نضيف التمر بالمايه بتاعته ونخلطهم كويس اووووى وبعدين نضيف المكسرات ونقلب بالمعلقه لحد ما يتجانسو وندهن صينيه زيت ورشه دقيق ونحط العجين وتدخل فرن على درجه 200 مئويه لمدة نص ساعه او اقل على حسب الفرن بتاعك المهم انها تستوى ياقمرات وبعد كده لما تستوى ويكون لونها دهبى جميل وتبرد نزينها باى صوص عندك انا بفضل صوص التوفى معاها بيبقا تحفه
يارب لما تجربوها تعجبكم